Elseid Hysaj duhej të ishte në fushë me shiritin e kapitenit në krah, në këtë “finale” të Shqipërisë ndaj Turqisë në Stamboll, që do të vendosë shumë sa i përket rrugëtimit të kuqezinjve në eliminatoret e Euro 2020-ës, por një rënie e rrezikshme fundjavën e kaluar, e dëmtoi dhe e la jashtë.
Megjithatë dëmtimi nuk e pengoi mbrojtësin shkodran që të udhëtojë drejt Turqisë me bashkëshorten e tij, duke shfrytëzuar rastin për të vizituar Stambollin dhe ndjekur ndeshjen, ndërsa Hysaj ka vizituar edhe shokët e ekipit në hotel, ku është përpjekur t’i inkurajojë para takimit.
