Pas triumfit 0-1 në transfertë ndaj Bournemouth, Manchester United hodhi një hap të madh drejt kualifikimit për në Champions League sezonin e ardhshëm. “Djajve të Kuq” iu mjafton vetëm një pikë në dy ndeshjet e fundit të kampionatit për të siguruar matematikisht vendin e katërt të Premier League.
Heroi i ndeshjes ndaj Bournemouth ishte Casemiro i cili realizoi golin e vetëm në minutën e nëntë të pjesës së parë. Mesfushori gjatë gjithë sezonit është shfaqur në një nivel mbi mesataren dhe në fundin e këtij sezoni, drejtuesit dhe trajneri Erik Ten Hag janë mëse të lumtur që mundën ta transferonin në verën e kaluar nga Real Madrid.
Pas takimit me Bournemourth, tekniku holandez i Manchester United veçoi paraqitjen e Casemiros duke theksuar se brazilian ka një kontribut të jashtëzakonshëm në skuadër.
Lexo edhe:
- Ballkani zyrtarisht kampion i Kosovës, shpërthen festa në Therandë
- CR7 sërish në një klub europian? Një kompani e bën të mundur dhe ia ofron skuadrës gjermane
- VIDEO/ Dhimbje dhe lot në kryeqytet, skuadra historike bie nga kategoria
- Marca zbulon Uzunin, rrëfimi në 360 gradë i sulmuesit: Përballja me Ronaldon dhe premtimi ndaj vetes!
“Casemiro shënoi një gol brilant, vazhdon të na surprizojë çdo ditë. Është një futbollist fantastik, në fakt e dinim që në fillim se ai është nga më të mirët kur vjen puna te organizimi, pozicionimi, interceptimet, duelet e fituara, lufta në fushë si dhe energjia që transmeton për shokët e skuadrës.
I shkëlqyer. Padyshim që ka përmbushur të gjitha pritshmëritë që kishim në fillimin e sezonit, nuk ka shumë lojtarë në atë pozicion që i përshtaten United dhe ne jemi të lumtur që kemi në skuadër Casemiron. Kontributi i tij në ekip është i jashtëzakonshëm”, u shpreh Ten Hag.
