Manchester City festoi të shtunën titullin e tretë radhazi dhe të pestin në gjashtë vitet e fundit. Edhe pse nuk zbritën në fushë, The Citizens u shpallën kampionë para kohe pas disfatës së Arsenal në fushën e Nottingham Forest me rezultatin 1-0.
Topçinjtë ishin kryesuesit e Premier League për pjesën më të madhe të kampionatit, por në fund djemtë e trajnerit Mikel Arteta nuk mundën të përballonin presionin dhe të superonin sfidat vendimtare për të mbërritur te titulli. Gjithsesi, tekniku spanjoll e vlerëson këtë aktualin si një sezon pozitiv nga i cili ai dhe skuadra kanë marrë shumë mësime.
Lexo edhe:
- Ballkani zyrtarisht kampion i Kosovës, shpërthen festa në Therandë
- CR7 sërish në një klub europian? Një kompani e bën të mundur dhe ia ofron skuadrës gjermane
- VIDEO/ Dhimbje dhe lot në kryeqytet, skuadra historike bie nga kategoria
- Marca zbulon Uzunin, rrëfimi në 360 gradë i sulmuesit: Përballja me Ronaldon dhe premtimi ndaj vetes!
“Tani jam pak i paaftë për të kuptuar atë se çfarë ndodhi, është herët për të dalë në përfundime. Duhet të përgëzojmë Cityn për titullin. Në këto dhjetë muaj kemi përjetuar një udhëtim fantastik, të jashtëzakonshëm ku e sfiduam Manchester Cityn në të gjitha format. Ishim para tyre për pjesën më të madhe të kohës, por ishim paksa në ankth për të arritur diçka të madhe dhe në fund nuk ia dolëm.
Shpresoj të kemi marrë mësimet e duhura, jemi transformuar si klub, kemi bërë hapa gjigande përpara. Por, qershia mbi tortë do të ishte triumfi në kampionat, për fat të keq nuk ia dolëm. Është e dhimbshme, kështu do të jetë për disa ditë, por në ndeshjen e fundit të kampionatit duhet t’i dhurojmë tifozëve paraqitjen që meritojnë”, u shpreh Arteta.
