Futbolli shqiptar i dha lamtumirën e fundit ikonës së tij, të madhit Fatmir Frashëri, i ndarë nga jeta në moshën 78-vjeçare pasi humbi betejën me sëmundjen e tij. Në ambientet e stadiumit “Selman Stërmasi” u mbajtën homazhet për nder të kësaj legjende të futbollit në vendin tone, ku nuk munguan personalitetet më të njohura të sportit dhe jo vetëm.
Fatmir Frashëri u formua si futbollist te klubi i Tiranës me të cilën u aktivizua në periudhën 1958-1972. Më pas ai dha një kontribut edhe te Partizani e sidomos në radhët e kombëtares shqiptare. Në vitin 2003, Fatmir Frashëri u tërhoq përfundimisht nga futbolli pasi ushtroi për një kohë të gjatë rolin e trajnerit dhe të Tiranës dhe të disa skuadrave të tjera duke lënë gjurmë. Për kontributin e madh të tij në futbollin shqiptar, Fatmir Frashëri është nderuar me çmimin “Mjeshtër i madh”.
