Klubi i Chelsea është duke kaluar një moment të vështirë për shkak se manjatit rus, Roman Abramovich i janë vendosur sanskione nga qeveria angleze për shkak të lidhjeve të ngushta me presidentin Vladimir Putin.
Tashmë, Abramovich është i detyruar të heqë dorë nga pronësia e Bluve të Londrës ndërsa klubi është në shitje, teksa të shumtë janë të interesuarit për ta marrë në zotërim. Një nga emrat më të fundit që ka dalë në qarkullim është Joe Ricketts, i cili zotëron edhe klubin e bejzbollit Chicago Cub.
Por, tifozët e Chelsea janë shprehur kundër Ricketts pasi ky i fundit duket se nuk respekton fenë muslimane teksa e ka konsideruar atë si një kult, ndërsa në vitin 2019 është shprehur se muslimanët janë armiqtë e tij. Në këtë formë, fansat anglezë kërkojnë të distancohen nga amerikani ndërsa e cilësojnë 80-vjeçarin një racist me të cilin emri i klubit të tyre nuk mund të lidhet.