Maurizio Sarri i gëzohet suksesit të 3-të radhazi në kampionat, por mbi të gjitha lojës që shfaqi Juventusi i tij në sfidën e të martës ndaj Genoas. Bardhezinjtë kanë rigjetur ritmin e duhur teksa zhvilluan një paraqitje të shkëlqyer duke dominuar me lojë dhe rezultat në një ndeshje që foli e gjitha për kampionët e Italisë. Dybala, si dhe Ronaldo dhe Douglas Costa me dy supergola ishin heronjtë e bardhezinjve në këtë duel të cilin Maurizio Sarri e analizoi kështu pas sfidës.
“Pas rikthimit nga ndërprerja e koronavirusit, pashë diçka dhe thashë se ka një ndryshim në skuadër. Por, të gjithë u tallën me mua sidomos pasi humbën në finalen e Kupës së Italisë nga penalltia me Napolin”, u shpreh Sarri.