U afrua verën e kaluar si zëvëndësuesi i një portieri si Alisson Becker, i transferuar te Liverpool, por Robin Olsen nuk ishte më shumë se hija e vetvetes dhe nuk kishte asnjë të përbashkët me brazilianin. Po flasim për portierin e Romës, gjigandin suedez, i cili aventurën në kryeqytetin italian duket se e mbylli që në përfundim të fazës së parë të sezonit të kaluar, kur në vend të tij trajneri preferonte Miranten. Zyrtarisht kjo aventurë duket se është mbyllur me arritjen e një marrëveshjeje mes drejtuesve të Romës dhe Montpellier, me portierin që do të kalojë në Francë në huazim për 1.2 milionë euro plus 7 milionë euro për blerjen përfundimtare të tij sezonin e ardhshëm. Marrëveshja është pranë mbylljes dhe priten vetëm disa detaje nga kontrata e futbollistit.
