Connect with us

Hi, what are you looking for?

Bundesliga

I pamëshirshëm në klasiken e parë, Kane shkruan historinë në “Iduna Park”

Harry Kanë ka nisur ta pikturojë me ngjyra të bukura aventurën e tij gjermane. 100 mln euro (+15 në formë bonuesh) ra dakord Bayern Munchen të paguajë te Tottenhami për të siguruar një nga golashënuesit më të mirë në qarkullim.

Dhe 30-vjeçari po ua shpërblen besimin dhe investimin drejtuesve të klubit bavarez. Sulmuesi anglez është përshtatur shpejt me mekanizmat e Bayernit, teksa u fut në histori në përballjen me Borussia Dortmund.

 

Ndeshja më emocionuese në Gjermani, e njohur si Der Klassiker, nuk i realizoi pritshmërite. Pasi Bayerni fitoi lehtësisht 0-4 në “Signal Iduna Park”, në një sfidë ku diferencat mes ekipeve ishin të ndjeshme.

Lexo edhe:

Harry Kane realizoi 3 gola, duke u bërë futbollisti i parë që realizon tripletë në debutimin në klasiken e madhe të futbollit gjerman.

Kapiteni i kombëtares angleze, kryeson renditjen e golashënuesve në Bundesliga me 15 gola. Në total me Bayerni deri tani numëron 17, bashkë me 2 golat e realizuar në Champions League.

 

Në vetëm 14 ndeshje, duke llogaritur edhe 26 minutat e finales së Superkupës me Leipzigun. Kundër nënkampionëve ishte takimi i tretë ku realizonte 3 gola, pasi më parë ka ndëshkuar në të njëjtën mënyrë Bochum dhe Darmstadt.

Drejtuesit dhe trajneri Tuchel janë të lumtur, shokët e vlerësojnë dhe tifozët e duan, pasi Kane po i gëzon me gola pafund, duke bërë të “harrohet” më në fund Robert Lewandowski.

Lajme të tjera

Futboll

Jose Mourinho është gati të kthehet në pankinë, pas shkarkimit nga Roma muaj më parë. Portugezi do të marrë drejtimin e Beshiktashit, ekip ku...

Premier League

Brighton zyrtarizon largimin e De Zerbit. Klubi anglez ka bërë me dije nëpërmjet një komunikate zyrtare, se trajneri italian do të largohet në fund...

Featured

Me një letër të hapur të publikuar në faqen zyrtare të klubit, presidenti i Inter-it, Steven Zhang u shkruan tifozëve, duke pranuar vështirësitë financiare...

Serie A

Milani ndan mendjen për trajnerin e ri. Klubi kuqezi duket i vendosur të mbyllë bashkëpunimin me Stefano Piolin në fund të sezonit dhe duket...