Argjentina u shpall Kampione e Botës për të tretën herë në histori teksa ia doli me sukses në Botërorin e zhvilluar në Katar. Albicelestet triumfuan në finale ndaj Francës duke shkurorëzuar “Gjelat” pas goditjes së 11-metërshave teksa një meritë e madhe shkoi edhe për trajnerin Lionel Scaloni i cili gjeti lëvizjet e duhura në formacion sidomos pas disfatës në ndeshjen e parë të kampionatit ndaj Arabisë Saudite.
Kështu, Federata argjentinase është e bindur nga kualiteti i 44-vjeçarit, aq sa tashmë i ka propozuar rinovimin e kontratës duke qenë se ajo e para përfundoi menjëherë pas Kupës së Botës. Sipas TycSports, palët kanë gjetur gjuhën e përbashkët për rinovimin dhe pritet që marrëveshja të marrë formë zyrtare në muajin mars.
Lexo edhe:
- Zyrtare, Rubin Hebaj transferohet në Uzbekistan
- VIDEO/ Mehmeti dhuron “show”, shqiptari protagonist në Championship me asist spektakolar
- Brazili zyrtarizon trajnerin e ri
- Sulmuesi i Kosovës transferohet te klubi i shqiptarëve në Turqi
Në këtë formë, Scaloni pritet të qëndrojë në krye të kombëtares edhe për edicionin e ardhshëm të Kupës së Botës atë të vitit 2026 e cila do të zhvillohet në Kanada, Meksikë dhe SHBA dhe në të cilën amerikano-latinët do të synojnë të mbrojnë trofeun e fituar në Katar.
