Tashmë është e qartë se Adam Lallana do të largohet nga Liverpooli me parametra zero në fund të sezonit. Largimi i tij nga “the reds” është i qartë, por mbetet për t’u përcaktuar skuadra e tij e re.
Sipas mediave angleze do të jetë Leicester, pasi trajneri Brendan Rodgers, i cili e ka stërvitur edhe më parë 32-vjeçarin, në kohën kur e drejtonte ai skuadrën nga “Anfield”, e ka bindur atë të transferohet pikërisht në “King Power Stadium”. Palët janë shumë pranë arritjes së marrëveshjes dhe pritet vetëm zyrtarizimi.
