Lionel Messi dhe Paris Saint-Germain duken të destinuar për t’u ndarë në fundin e sezonit aktual. Emri i argjentinasit lakohet gjithnjë e më tepër te Barcelona me katalanasit që ëndërrojnë rikthimin në shtëpi të “pleshtit”, edhe pse më parë duhet të stabilizojnë aspektin financiar.
Ndërkohë, tifozët në Paris janë kundër Messit dhe kjo është një shtysë më tepër për drejtuesit kryeqytetas që të mos këmbëngulin në një marrëveshje të re me 35-vjeçarin, madje të nisin nga puna për të gjetur zëvendësuesin e argjentinasit. I preferuari i parizienëve është Bernardo Silva me portugezin që duket i prirur për t’u larguar nga Manchester City edhe pse kontrata me the Citizens i skadon në vitin 2025.
Lexo edhe:
- Një tjetër “yll” në shitje, mesfushori drejt largimit nga PSG pas 11 sezonesh
- 8 minuta kundër mbrojtësit shqiptar e bëjnë kampion me Barçën, sulmuesi fiton titullin e parë në karrierë
- Humbja ndaj Brighton, Arteta: Kam vetëm zhgënjim, ua dhuruam pjesën e dytë
- “Ju tregoj bisedën me Skukën dhe Goldin”, Xhixha për “Analizë Kuq e Zi”: Sezonin tjetër titullar me Qarabag
Portugezi nuk është një emër i panjohur për drejtuesin e PSG, Luis Campos i cili edhe më herët ka besuar te Bernardo Silva teksa e mori tek Monaco, skuadër me të cilën portugezi fitoio titullin kampion në Francë. Tashmë, mbetet për t’u parë nëse dyshja do të ribashkohet teksa operacioni fiton kuota çdo ditë edhe më shumë me Messin që është me valixhe në duar dhe konsiderohet që tanimë një ish në Paris.
