Romelu Lukaku u shfaq sërish vendimtar për Belgjikën, që fitoi 1-0 ndaj Japonisë në miqësoren e zhvilluar në Bryzh. Sulmuesi i Manchester United shënoi me kokë golin e vetëm të takimit në minutën e 72-të, pas krosimit të shkurtër të Chadli. Për 24-vjecarin, ky ishte goli i 31-të me përfaqësuesen e Belgjikës, duke u shndërruar golashënuesi më i mirë në histori për “Djajtë e Kuq”. Në barazimin 3-3 me Meksikën, Lukaku arriti rekordin e Bernard Voorhoof, i cili ka mundur të realizojë 30 gola për Belgjikën për 12 vite, në periudhën 1928-1940. Në një moshë kaq të re, Lukaku jo vetëm që do ta përmirësojë rekordin e tij, por mund të arrijë një kuotë finalizimesh që mund të mbetet e pathyeshme për një kohë shumë të gjatë.
https://www.youtube.com/watch?v=xHNPT–Vrg4
