Federata Angleze e Futbollit pranon apelimin e Tottenham Hotspur dhe fal Heung min-Son. 27-vjeçari aziatik përjetoi çaste shumë të vështira emocionale të dielën sepse u bë shkak që mesfushori portugez i Evertonit Andre Gomes theu këmbën. Son në shenjë hakmarrjeje për një brryl që mori nga lojtari i Everton i ndërhyri në rrëshkitje nga prapa dhe gjatë rrëzimit Andre Gomes theu këmbën edhe pse në këtë tragjedi të mesfushorit portugez pati ndikimin e vetë edhe përplasja me Serge Aurier. Gjyqtari Atinkinson fillimisht i nxorri kartonin e verdhë koreno-jugorit por pasi pa shkallën e dëmtimit të Gomes korigjoi gjithçka duke e larguar nga fusha me të kuq. Gjithsesi komisioni i Disiplinës pranë Federatës Angleze të Futbollit e ka cilësuar një ndërhyrje jo të rrezikshme atë të Son dhe ka pranuar apelimin e Tottenham Hotspur, kështu që 27-vjeçari do të jetë i gatshëm për ndeshjen e ardhshme në kampionat ndaj Sheffield United.
