Lionel Messi duket se po vuan të përmbushë pritshmëritë me fanellën e PSG, ku përveç kampionatit, një paraqitje zhgënjyese u pa edhe në sfidën europiane ndaj Real Madrid. Ndër të tjera, ylli argjentinas humbi edhe një penallti teksa u hipnotizua nga Thibaut Cortois.
Në këtë formë, pas sfidës me madrilenët prestigjiozja franceze Le’Equipe u tregua shumë e ashpër në vlerësimin për 34-vjeçarin duke e konsideruar paraqitjen e tij në fushë të denjë për notën 3.
Një zhvlerësim i madh për “pleshtin”, i cili sigurisht nuk ka reaguar, megjithatë në krah të tij ka dalë Sergio Aguero. Ish-futbollisti i Manchester City dhe Barcelona nuk ka heshtur por ka shpërthyer ndaj të përditshmes franceze me fjalë të rënda.
“Mediat franceze e “masakruan” Messin, çfarë idotësh janë! Çfarë është kjo histori m… me penalltinë e humbur, ai krijoi epërsi numerike në fushë, ishte shumë aktiv dhe bëri një ndeshje shumë të mirë”, ishin fjalët e patriotit të Messit.
