Connect with us

Hi, what are you looking for?

Serie A

Iachini njofton divorcin me Fiorentinën, ja kush pritet ta zëvendësojë

Giuseppe Iachini u rikthye në një moment mjaft të vështirë te Fiorentina, për të kryer misionin e lënë përgjysmë nga Cesare Prandelli dhe tani që klubi vjollcë është shumë pranë sigurimit edhe matematikisht të mbijetesës, ka zbuluar se do të largohet.

Në konferencën për shtyp në prag të transfertës sarde ndaj Cagliarit, trajneri Iachini njoftoi se do të largohet në fund të sezonit nga Fiorentina, duke shpjeguar edhe arsyet pse pranoi të rikthehej pak javë më parë.

“Jam shumë i lidhur me klubin, Firenzen dhe presidentin Commisso, ndaj pranova ofertën për t’u rikthyer. Tani misioni im është drejt fundit dhe sapo të mbyllet sezoni, do të largohem nga Fiorentina”, deklaroi Iachini.

Ndërkohë në Itali mediat janë të bindura se vendin e tij në pankinën e Fiorentinës, do ta marrë pikërisht Gennaro Gattuso, i cili gëzon simpatinë e presidentit Rocco Commisso, pasi të dy janë me origjinë kalabreze.

Gattuso do të lërë Napolin në fund të sezonit edhe nëse arrin të sigurojë një vend në zonën Champions, teksa te Fiorentina pritet të nënshkruajë për dy sezone, me misionin për të ngritur klubin në nivele të larta.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...