Zlatan Ibrahimovic e ka quajtur periudhën e tij në Barcelonë si “kujtimi më i keq”, me sulmuesin që pranoi se humbi identitetin e tij në “Camp Nou”.
Sulmuesi i Milanit është aktualisht jashtë fushës pas një dëmtimi të rëndë në gju. Së fundmi ai ka folur për karrierën e tij dhe periudhat që ka kaluar në çdo klub.
Sidoqoftë, Ibrahimovic pati vështirësi gjatë sezonit që kaloi në “Camp Nou” në 2009-2010. 41-vjeçari ka treguar se pse nuk ishte në gjendje të arrinte nivelin e tij më të mirë në Spanjë.
“Kujtimi im më i keq? Mendoj se ishte Barcelona, por jo për futbollin. Atje më ka ndodhur të mendoj shumë. Po, e kam zhgënjyer veten. I kam bërë gjërat ndryshe. Mendova dy herë para se të shkoja dhe u zhgënjeva. Aty humba identitetin tim. Më pas, e gjeta përsëri dhe kjo më lejoi të pushtoj botën.”-tha ai.