Surpriza e 4 javëve të para të IPKO Superligës së Kosovës, Arbëria ka pësuar humbjen e parë në elitën e futbollit, teksa është mposhtur nga Gjilani me rezultatin 3-1.
Skuadra e ngjitur rishtazi në elitën e futbollit të Kosovës e nisi mjaft mirë ndeshjen në Gjilan dhe kaloi e para në avantazh me anë të golit të shënuar nga Zabërgja. Megjithatë reagimi i vendasve ishte mjaft i mirë dhe fillimisht Kurtaj e më pas Kqiku, përmbysën rezultatin.
Në 15 minutat e fundit gjithçka u bë më e lehtë për skuadrën e drejtuar nga Gentian Mezani, pasi ish mbrojtësi i Partizanit, tani me fanellën e Arbërisë, Labinot Ibrahimi u ndëshkua me karton të kuq dhe la të tijtë me një lojtar më pak.
Rezultati i takimit u vendos nga një gol i Darko Nikaç, i cili çoi shifrat në 3-1, ndërsa me këtë fitore, Gjilani barazon me pikë Arbërinë, pasi të dy skuadrat kanë nga dy fitore, dy barazime e një humbje.