Lajme të mira nga infermieria e Interit rreth gjendjes fizike të Mauro Icardit, i cili humbi madje edhe grumbullimin me Argjentinën pas një problemi në gju, që fillimisht u mendua serioz. Ekzaminimet më të specializuara kanë përjashtuar ndonjë këputje të mundshme të tendinës, por thjesht ka enjtje të pjesës së përparme të gjurit të djathtë, shkaktuar gjatë një përplasjeje në ndeshjen e të dielës me Torinon. Sulmuesi argjentinas do të punojë për 4-5 ditë i vecuar, nën kujdesin e fizioterapistit, për t’u vënë më pas nën urdhrat e Luciano Spallettit. Kapiteni do të jetë i gatshëm për takimin e 19 nëntorit kundër Atalantës se Etrit Berishës.