Reali i Madridit mposhti 2-1 Romën në ndeshjen e fundit për të dyja skuadrat në International Champions Cup. Në “MetLife Stadium” të New Jersey-t lideri i “Los Blancos”, në mungesë të të larguarit Cristiano Ronaldo u shfaq Gareth Bale, që dha një asist dhe shënoi një gol brenda 15 minutave lojë, pa i dhënë mundësi Romës që të organizohej si duhet në lojë.
Që në minutën e dytë të sfidës, uellsiani me një magji të tij nxori të lirë Asension për golin e 1-0, ndërsa pa u mbushur çerek ore lojë shfrytëzoi aftësitë e tij në kundërsulm, për t’u dhënë një tjetër goditje verdhekuqve.
Në pjesën e dytë Roma mundi pas shumë përpjekjesh të shkurtonte diferencën me Strootman në minutën e 83-të, por vetëm kaq, sepse vërshëllima e trefishtë e kryesorit sanksionoi suksesin e Realit.
Duhet theksuar se të dyja skuadrat kishim mungesa të shumta, madje në pjesën e dytë u kryer ndërrime të shumta, aq sa i vetmi që mbeti në fushë për 90 minuta ishte portieri Navas i Realit të Madridit.
https://www.youtube.com/watch?v=71EqNABbwuA
