Borussia e Dortmundit fiton edhe ndeshjen e dytë në turneun veror International Champions Cup, duke mposhtur një tjetër skuadër angleze. Verdhezinjtë e Lucien Favre, triumfuan 3-1 me përmbysje ndaj Liverpoolit të ish trajnerit të tyre Jurgen Klopp, në një sfidë ku sidomos The Reds kishin shumë mungesa. Pas suksesit të ngushtë ndaj kampiones së Anglisë, Manchester City-it, Dortmundi këtë herë iu fal talentit amerikan Pulisic autori i një dygolëshi për kënaqësinë e tifozëve të pranishëm në stadiumin e Charlotte. Finalizimi i qëndërmbrojtësit Van Dijk në pjesën e parë nuk i mjaftoi anglezëve të cilët u dorëzuan në fraksionin e dytë. Fillimisht Pulisic kthehu në gol një 11-metërsh në minutën e 66-të, ndërsa në fund në të 89-ën sërish Pulisic dhe më pas talenti danez Larsen i dhanë fitoren me shifrat 3-1 Dortmundit që kryeson renditjen në kuotën e 6 pikëve. Në golin e tretë të Dortmundit një pjesë të madhe të fajit e kishte Loris Karius që vazhdon të gabojë.
https://www.youtube.com/watch?v=FH0jUV8xnfk