Fabian Ruiz është basti i radhës për Igli Taren. Drejtori Sportiv i Lazios ka shënjestruar talentin e Real Betisit si goditjen e ardhshme për mesfushën bardhekaltër. Spanjolli 21-vjeçar mund të luajë pas sulmuesve, por edhe si sulmues krahu. Tare ka kontaktuar me menaxherin e fantazistit spanjoll por duhet të bëjë llogaritë edhe me Stoke City-n, që po bisedon me Real Betis për të ardhmen e futbollistit. Vlera e lojtarit aktualisht është 12-13 mln euro, por në verë nga ofertat e shumta Betis mund të kërkojë edhe 20 mln Euro.
