Largimi i Mauro Icardit te Galatasaray mund të perceptohet si çlirim klubin e PSG-së, që zotëron kartonin e argjentinasit, por nuk është kështu. Francezëve në fund u është dashur të pranojë ofertën e Turqisë për mungesë ofertash. Sipas “Le Parisien”, është thjesht një iluzion optik, pra që e percepton ndryshe nga ç’është në të vërtetë.
Sepse PSG do të paguajë 88% të pagës së tij vjetore (6 milionë euro). Jo vetëm për argjentinasin: 80% të pagës së Draxler, 60% të Kurzawas apo 40% të Wijnaldum.
Nuk është i vetmi operacion që ka shkuar keq për PSG-në. Janë edhe 14 largime të tjera, ndër të cilat veçohen Paredes, Wijnaldum, Ander Herrera apo Draxler.
Nga 14 huazimet që PSG ka negociuar, vetëm gjysma kanë një opsion blerjeje: Abdou Diallo te Leipzigu (25 milionë euro), Leandro Paredes tek Juventusi (22.6 + 3 milionë euro), Édouard Michut te Sunderland (5 milionë euro), Éric-Junior Dina Ebimbe te Frankfurti (6,5 milionë €), Georginio Wijnaldum te Roma (8 milionë €), i riu Kenny Nagera te Lorient (500,000 € dhe një përqindje në rast rishitjeje) dhe Ander Herrera tek Athletic Bilbao. Në rast se këto transferime do të realizoheshin të gjithë, PSG do të përfitonte vetëm 70 milionë euro.