Ciro Immobile kërcënohet me jetë. Sulmuesi i Lazios gjendej në plazhin Francavilla a Mare në Abruzzo kur është konfliktuar me një të panjohur, që fillimisht i është drejtuar me fjalë të rënda, duke e ofenduar me epitete të papërshtatshme, e më pas i ka drejtuar edhe një mjet prerës (dyshohet thikë), duke e kërcënuar se do ta vriste. Vetëm reagimet e plazhistëve të tjerë, që ishin tmerruar nga ajo që po ndodhte, e ka detyruar personin në fjalë që të largohej me vrap. Sipas karabinierëve, agresori është identifikuar (njihet si person problematik) pas hetimeve të menjëhershme dhe për të rëndon akuza për kërcënim. Ngjarja ka patur si motiv rivalitetin sportiv.
Ciro Immobile, fatmirësisht nuk ka pësuar asnjë dëm fizik, por tronditja psikologjike ka qenë e madhe, pasi kur nuk i kishte shkuar në mendje që tifoz i një skuadre tjetër do të ofendonte dhe ta kërcënonte edhe me jetë në mes të plazhit.