Presidenti i nderit i klubit të Kukësit, Safet Gjici ka folur pas përfundimit të pjesës së parë të ndeshjes Kukësi-Laçi, që është edhe takimi që inauguron “Kukës Arena”.
Gjici theksoi se për herë të parë Kukësi ka një stadium pas 92 vitesh ekzistence si klub dhe për këtë falenderon qeverinë dhe federatën.
“Falenderoj kryeministrin Edi Rama për këtë dhuratë të çmuar për kuksianët, siç është ky stadium me standarde europiane. Falenderoj edhe Presidentin e federatës, Armand Dukën sepse kemi bërë shumë punë për ta inauguruar këtë impiant. Pas 92 vitesh sot ekipi i Kukësit ka një shtëpi futbolli dhe luan me drita. Jemi falenderus dhe mirënjohës si kuksianë edhe qeverisë edhe zotit Rama edhe federatës për këtë dhuratë, pasi plotëson të gjitha standardet për t’u luajtur jo vetëm ndeshjet e kampionatit shqiptar, por edhe europianet. Faleminderit të gjithëve që kanë kontribuuar dhe le ta gëzojnë të gjithë kuksianët këtë stadium.”-theksoi Safet Gjici.