Danny Ings është një nga sulmuesit që ka në dispozicion Jurgen Klopp te Liverpooli. Por edhe pse është duke luajtur sezonin e tij të tretë me “The Reds”, 25-vjeçari ka luajtur shumë pak ndeshje me Liverpoolin duke mbetur totalisht në hije. Megjithatë nëse në fushën e blertë Ings nuk po kalon një moment të mirë nuk mund të thuhet e njëjta gjë për jetën private.
Prej kohësh ai është në një lidhje dashurie me modelen Georgia Gibbs e cila sëfundmi është përzgjedhur nga revista prestigjoze “Sports Illustrated”, si imazh për numrin e rradhës ku do të ekspozojë rrobat e banjos. 22-vjeçarja australiane, është një ndër modelet më tërheqëse në Botë falë fytyrës së saj ëngjëllore dhe formave perfekte dhe Ings nuk ka sesi të mos ndihet krenar që ka në krah një femër si Georgia.