Cristiano Ronaldo po qëndron në Madeira, Portugali, nga ku po dërgon mesazhe sensibilizuese por jo vetëm. CR7 është hedhur në veprim, duke dhënë ndihmë konkrete në luftën kundër Coronavirusit. Sulmuesi i Juventusit, pas fitores në derbin e Italisë, fluturoi me avion privat drejt banesës së tij në vendlindje, ku do të qëndrojë derisa situata të qetësohet.
“Ylli” portugez ka vendosur t’i transformojë hotelet e tij në vendin luzitan në spitale për të kontribuar në luftën kundër pandemisë. Lajmi është shpërndarë në rrjetet sociale dhe është botuar edhe nga Marca në Spanjë.
Spitalet e reja të Ronaldos do të funksionojnë falas, madje edhe mjekët, infermierët dhe pjesa tjetër e personelit do të paguhen nga CR7.
Një iniciativë e bukur për të ndihmuar në përpjekhet për të mposhtur virusin vdekjeprurës.