Lionel Messi u prit me brohoritje nga një turmë prej 200 personash në Napoli, ku Barcelona ka udhëtuar këtë të hënë për përballjen e parë me Napolin në Champions, por në zemrën e napolitanëve mbetet i pakrahasueshëm me të tjerët një tjetër argjentinas, Diego Armando Maradona. Lorenzo Insigne, në prag të përplasjes së “San Paolos”, e ka të vështirë të bëjë një krahasim mes dy legjendave, por i gjen etiketat e duhura për të dy.
“Messi është mi miri në botë, por nuk dua të bëj krahasime. Për ne, Maradona mbetet një shenjt, por, sigurisht, pa i hequr asgjë Messit, që është më i miri në rruzull.”
Sa mundësi ka Napoli, sipas Insignes për të eliminuar Barcelonën?
“Jam i bindur që do të zhvillojmë një ndeshje të madhe, por e dimë që do të jetë e vështirë. Barcelona ka kampionë të mëdhenj dhe në duhet të luajmë si skuadër. Vetëm kështu mund të bëjmë një ndeshje të madhe. Tifozët presin shumë nga unë, i pranoj kritikat, jam i qetë dhe gjithmonë kam ditur t’i kaloj situatat e vështira, këtë po bëj edhe tani.”