Lorenzo Insigne u dëmtua mbrëmjen e 1 dhjetorit, në përballjen me Juventusin dhe vijon të qëndrojë jashtë fushave për Napolin. Mungesa e tij u ndie të napolitanët edhe në sfidën e të dielës, ndaj Fiorentinës, ku skuadra e Sarrit u ndal në barazim 0-0, duke mbyllur takimin e dytë radhazi në Serinë A, pa shënuar gola.
Sulmuesi anësor italian vijon të stërvitet i diferencuar, duke vënë në dyshim prezencën e tij në transfertën ndaj Torinos, e planifikuar të luhet të shtunën në orën 18:00. Sipas medieve pranë klubit të Napolit, trajneri Sarri po planifikon një formacion pa Insignen në fushë, pasi nuk beson se mund të rikuperohet deri të shtunën.