Interi vazhdon të punojë për t’i dhënë Antonio Contes një anësor të vlefshëm për të vënë në zbatim skemën 3-5-2, që ish-trajneri i Kombëtares Italiane ka ndërmend të përdorë në rreshtimin e skuadrës.
Zikaltërit duket se e kanë gjetur lojtarin ideal për këtë rol. Bëhet fjalë për Valentino Lazaro, austriaku i talentuar 23-vjeçar, i cili luan në Gjermani të Hertha Berlin.
Marrëveshja me lojtarin tashmë duket se është arritur, ndërkohë që duhet të gjendet akordi me klubin nga kryeqyteti gjerman. Inter e ka bërë ofertën e parë, 17 milionë euro plus 2 milionë euro të tjera bonus, ndërkohë që drejtuesit e Herthas kërkojnë të paktën 20 milionë euro.
