Për të dytë ndeshje radhazi në Serinë A, Interi ndalet në barazim 1-1. Një javën e kaluar ishte Atalanta që i mori pikë në “San Siro”, këtë radhë zikaltrit nuk ia dolën të ruanin epërsinë në “Via del Mare” të Lecce.
Pjesa e parë u mbyll në barazim pa gola dhe pavarësisht epërsisë territoriale të Interin, rastin më të pastër në këtë fraksion e pati Mancosu, në minutën e 8-të, shumë pranë shtyllës së dytë, por topi I goditur prej tij përfundoi jashtë.
Në minutën e 20-të Romelu Lukaku e dërgoi topn në rrjetë, por kryesori pasi pa pamjet e përsëritura nëpërmjet sistemit VAR, vendosi ta anulonte për ndërhyrje të gabuar në zonë.
Takimi i zhbllokua më në fund në minutën e 70-të, me Bastonin që devijoi me kokë në rrjetë pranë zonës së portierit. Epërsia e Interit zgjati vetëm 7 minuta, pasi Mancosu i parapriu ndërhyrjes së Bastonit, duke mos I dhënë asnjë mundësi reagimi portierit Handanovic.
As aktivizimi i Alexis Sanchez nuk e ndryshoi rezultatin në minutat e mbetura, me Interin që largohet me një shije të hidhur nga “Via del Mare”, ku la 2 pikë të vyera.
Fabio Borini shmangu humbjen e Veronës në fushën e Bolognas në minutën e 81-të, me vendasit që kryesonin që nga minuta e 20-të me finalizimin e Banit. Pikërisht autori i golit që zhbllokoi takimin la në baltë Bolognan duke u ndëshkuar me kartonin e dytë të verdhë në minutën e 67-të. Epërsinë numerike e shfrytëzuan veronezët, që në fund morën një pikë falë barazimit 1-1. I pafat në këtë takim Marash Kumbulla, I detyruar të linte fushën që në minutën e 25-të për shkak të një dëmtimi.
Nuk pati fitues as në përballjen mes Brescias dhe Cagliarit, që u mbyll në barazim 2-2. Për vendasit realizoi dy gola Torregrossa mes dy finalizimeve të Joao Pedros së Cagliarit.
Rebic vjen nga stoli dhe “përmbys” Udinesen, Milan thyen makthin “San Siro”