Katër gola të pësuar në miqësoren ndaj Villarealit dhe 10 në total në 5 ndeshjet miqësore të kësaj vere, kanë vënë në alarm Simone Inzaghin, në prag të startit të kampionatit ndaj Lecces.
Mbrojtja e zikaltërve fut ujë dhe kjo u konfirmua qartësisht ndaj spanjollëve, ku Skriniar dhe Bastoni u panë larg formës së tyre më të mirë, teksa kritika pati edhe për Kristjan Asllanin.
“Pas një starti të vrullshëm, mesfushori i ardhur për të zëvendësuar Brozovic, dështon ndaj spanjollëve, por kjo është normale për një 20-vjeçar. Në fazën e organizimit të lojës është mirë, por humb ty topa banalë, njëri prej të cilëve i kushton skuadrës golin e dytë”, thuhet në vlerësimin për shqiptari në mediat italiane.
Ndërkohë Simone Inzaghi u shfaq i qetë pas ndeshjes dhe pranoi se gabimet e golave janë më shumë individuale, pasi futbollistë të caktuar janë të rënduar nga stërvitja dhe deri të shtunën ndaj Lecces, do të ketë arritur formën e duhur.