Drejtuesit e Interit kanë nisur të mendojnë për skuadrën e sezonit të ardhshëm, teksa po studiohen profile futbollistësh, të cilëve u përfundon kontrata dhe mund të vijnë me parametra zero.
Kështu prej kohësh ndiqet sulmuesi Marcus Thuram, të cilit zikaltrit i kanë bërë edhe një ofertë zyrtare, për ta marrë nga vera e ardhshme, teksa së fundi ka dalë në skenë një tjetër emër.
Bëhet fjalë për mesfushorin e Liverpoolit, Naby Keita, të cilit gjithashtu i skadon kontrata me “the reds” në fund të këtij sezoni. Mesfushori 28-vjeçar nuk ka pranuar rinovimin, pasi nuk është ndjerë asnjëherë titullar në Liverpool, ndaj po studion mundësinë e transferimit në një tjetër ekip.
Lexo edhe:
- VIDEO/ Stërvitje intensive, te Kombëtarja punojnë pa pushim për sfidën me Poloninë
- Momente gazmore/ Sylvinho s’i kursehet Abrashit, “hakmerret” Cikalleshi (VIDEO)
- VIDEO/ Messi del për darkë, çmenduri çfarë bëhet jashtë restorantit në Buenos Aries
- “Divorcohen” Tottenham-Conte, mungon vetëm zyrtarizimi
Zikaltrit kanë nisur tashmë kontaktet me menaxherët e Keita, për t’u prezantuar ofertën për transferimin në Milano, aty ku e pret një fanellë titullari dhe rol i rëndësishëm në skuadër.
Interi e kërkoi Keitanë edhe në verën e 2018-ës, kur ishte pjesë e Leipzig në Gjermani, por atëherë mesfushori zgjodhi të transferohej te Liverpooli dhe tani duket se mund të jenë kushtet e duhura për t’u bashkuar me zikaltrit në Milano.
