Connect with us

Hi, what are you looking for?

Champions League

Interi “fiket” në Europë, Barella e shpëton nga turpi

Në kampionat po bën gjithçka mirë në këtë start sezoni, por Interi i Antonio Contes ka zhgënjyer tërësisht në ndeshjen e parë të Ligës së Kampionëve, ku nuk ka shkuar më shumë se një barazim 1-1 përballë çekëve të Slavia Pragës.

Para syve të pronarit të skuadrës, Zhang Jindong, zikaltrit bënë një paraqitje nën nivelin mesatar, duke ndërtuar shumë pak aksione dhe duke vuajtur ndjeshëm presingun e kundërshtarëve.

Nga ana tjetër çekët treguan një grintë të jashtëzakonshme dhe arritën të mbajnë larg nga zona e rrezikut zikaltrit, ndërsa në minutën e 63-të gjetën edhe golin e avantazhit me anë të ish sulmuesit të Skënderbeut të Korçës, Peter Olayinka.

Por Antonio Conte nuk mund të pajtohej me këtë rezultat dhe në minutën e 71-të aktivizoi menjëherë Politanon e Barellën, në vendin e Lautaro Martinez e Brozoviç, ndërsa skuadra filloi të lëvizë më shpejt dhe të tentojë golin e barazimit.

Megjithatë “kalaja” çeke ishte ndërtuar mirë dhe rrallë ndodhte që të zotët e shtëpisë të depërtonin në zonë, duke u detyruar shpesh të kërkojnë goditjen nga distanca, ndonëse asnjë herë me rezultatin e dëshiruar.

Në minutën e dytë shtesë ishte Sensi që ekzekutoi në mënyrë mjaft të saktë një goditje dënimi, me topin që u përplas në traversë dhe u kthye në lojë, aty ku Barella gjuajti menjëherë dhe arriti ta dërgojë në rrjetë.

Goli rindezi entuziazmin te zikaltrit, që tentuan me disa aksione për të gjetur edhe golin e përmbysjes, por nuk ia dolën të dërgojnë sërish topin në rrjetën e çekëve, duke u mjaftuar me vetëm një pikë.

Inter merr kështu vetëm një barazim zhgënjyes në ndeshjen e parë të Ligës së Kampionëve, përballë kundërshtarit më të dobët të grupit dhe për më tepër në shtëpi, duke treguar se në Europë ka limite dhe se kalimi i grupeve do të jetë vërtetë i vështirë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...