Connect with us

Hi, what are you looking for?

Champions League

Interi gati për Champions, Inzaghi planifikon tre ndryshime në formacion

Pas startit fantastik në kampionat, me 4 fitore në po kaq ndeshje, Interi rikthehet në Champions League, aty ku më 10 qershor pa t’i venitet ëndrra e madhe përballë Manchester Cityt në finalen e Stambollit.

Zikaltrit do ta nisin këtë edicion në transfertën baske ndaj Real Sociedad, teksa trajneri simone Inzaghi po përgatit ndryshime në formacion, në mënyrë që t’i japë mundësi ndonjërit prej titullarëve të pushojë.

Kështu mediat pranë klubit zikaltër raportojnë se Inzaghi po përgatit tre zëvendësime nga 11-shja me të cilën ka startuar këto javë të para të kampionatit.

I pari do të jetë Pavard, që do të marrë vendin në krahun e djathtë të mbrojtjes dhe do të bëjë debutimin zyrtar me fanellën zikaltër. Eksperienca e francezit të nivele të tilla, mund t’i japë diçka më shumë Interit në transfertën baske.

Lexoni edhe:

Tjetër futbollist që pritet ta nisë nga minuta e parë është Davide Frattesi, që do të marrë vendin e njërit mes Barellës dhe Mkhitaryanit, ndërsa një tjetër ndryshim pritet të ketë edhe në sulm, aty ku Arnautovic do ta nisë si titullar në krah të Lautaros, me Thuram që pritet të rikuperojë energjitë.

Vlen të theksohet se në transfertën baske nuk do të udhëtojnë me grupin Juan Cuadrado dhe Stefano Sensi, me të parin që është i dëmtuar dhe tjetrin që nuk është regjistruar në listën e Champions…

Pas kësaj sfide, Interi do të përballet të dielën me Empolin në transfertë dhe aty pritet që Inzaghi të ulë sërish në stol disa nga titullarët, në mënyrë që të menaxhojë energjitë e tyre në këtë tur force që do të vijojë deri në 10-ditëshin e parë të tetorit.

Lajme të tjera

Itali

Victor Osimhen mund të largohet nga Napoli që në janar. Kështu pretendojnë mediat italiane, duke trumbetuar se skandali në lidhje me sulmuesin është temë...

Futboll

Futbolli shqiptar sot është në zi. Është ndarë nga jeta në moshën 84-vjeçare legjenda e futbollit tiranas, Osman Mema, një nga përfaqësuesit më të...

Premier League

Nga Aston Villa te Aston Villa. Armando Broja rikthehet në fushë pas plot 287 ditësh, teksa trajneri Pochettino i besoi pak më shumë se...

Futboll

Federata Shqiptare e Futbollit ka arritur një tjetër sukses historik, duke sjellë për herë të parë në Shqipëri finalet e një turneu madhor ndërkombëtar...