Connect with us

Hi, what are you looking for?

Serie A

Interi njofton zyrtarisht rikthimin e Orialit si menaxher i ekipit

Ndonëse rikthimi i Gabriele Orialit te Interi ishte bërë fakt ditët e fundit, vetëm pasditen e sotme zikaltrit e konfirmuan edhe me një komunikatë zyrtare, të shpërndarë në faqen klubit.

Në të thuhet se Oriali do të mbajë postin e Menaxherit teknik të ekipit të parë, duke qenë zyrtari zikaltër që do të jetë tërë kohës në krah të Contes, detyrë që do ta marrë zyrtarisht që më datën 1 korrik.

Deklarata e Interit, ku njofton rikthimin e Orialit:
Gabriele Oriali rikthehet te Interi, për të punuar si Menaxheri Teknik i ekipit të parë, detyrë që do ta ushtrojë që nga dita e parë e korrikut.
Njëzet e tetë vjet zikaltër, një jetë në shërbim të klubit. Lidhja mes Gabriele Orialit dhe Interit është e natyrshme dhe e pazgjidhshme. Një udhëtim që filloi në vitin 1965, kur, në moshën 13 vjeçare, hyri në sektorin tonë të të rinjve. Nga atje u ngjit dhe debutoi në skuadrën e parë në moshën 17-vjeçare, duke fituar dy kampionate dhe dy Kupa italiane, me gjithsej 392 ndeshje me fanellën tonë dhe 43 gola. Mesfushor, por gjithçkabërës. I domosdoshëm edhe për ekipin kombëtar, me të cilin u bë kampion i botës në Kupën e Botërore të 1982-shit.

Sakrificë, sakrificë dhe pasion: receta për marrjen e rezultateve, leitmotivi i Oriali, karakteristika që e shoqërojnë edhe pas daljes nga futbolli. Oriali, pas Bolonjës dhe Parmës, u kthye te zikaltrit më 1999-ën, në stafin drejtues. Asnjëherë nuk qëndroi vërtetë prapa tavolinës, sepse thirrja e fushës ka qenë gjithmonë e fortë, fatale. Operativ, gjithmonë në kontakt të ngushtë me ekipin, ai e lidhi figurën e tij me sukseset e shumta të zikaltërve si pesë tituj kampionë, një Ligë e Kampionëve, tre kupa italiane, tre Superkupa italiane.

Tani përsëri në Inter, gati për aventura të reja në Inter. Mirësevini, Lele!

Kujtojmë që Gabriele Oriali punon prej disa sezonesh si menaxher i Kombëtares Italiane të futbollit, post të cilin do të vijojë ta mbajë paralelisht deri në përfundim të Europianit të vitit 2020.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...