Pas një sezoni në huazim, Interi ka vendosur të mos ushtrojë të drejtën e blerjes së sulmuesit senegalez, Keita Balde, i cili aktualisht është i angazhuar në Kupën e Afrikës, por më pas do të duhet të rikthehet te Monaco.
Keita iu bashkua Interit me formulën e huazimit kundrejt 5 milionë eurove dhe të drejtës së blerjes për 34 milionë euro, por pas përfundimit të sezonit, zikaltrit e cilësuan shumë të lartë këtë shifër dhe njoftuan Monacon se nuk do ta paguajnë.
Megjithatë 24-vjeçari senegalez nuk bën pjesë në planet e trajnerit të Monacos, Jardim, ndaj pritet të largohet shumë shpjet nga Franca dhe destinacioni i radhës duket se do të jetë Premier League, ku ndiqet nga Arsenali.
Unai Emery ka dhënë miratimin për shitjen e Pierre Emenicke Aubameyang dhe ka piketuar pikërisht Keita Balde si njeriun ideal për ta rreshtuar në sulm, së bashku me francezin Laccazette, ndaj është gati t’i ofrojë Monacos një shifër prej 30 milionë eurosh, për blerjen e senegalezit.