Interi ka prezantuar edhe fanellën e tretë për sezonin 2019-2020, e cila është e zezë, me detajet si logoja e sponsorit apo vijat në krah, të verdha, ndërsa sipas përshkrimit të klubit, është e frymëzuar nga sukseset në të kaluarën.
Kjo fanellë përmban elementë të fanellave të vitit 1998, kur Interi fitoi Kupën UEFA në finalen ndaj Lazios në Paris dhe të sezonit 2009-2010, kur zikaltrit fituan gjithçka në Itali dhe Europë.
Fanella e re përmban edhe elementë të modës së viteve ’90, të cilat zikaltrit i kanë përfshirë në shenjë mirënjohjeje për partneritetin e gjatë me kompaninë e prodhimit të gomave “Pirelli”.
Vlen të theksohet se bluza e tretë e zikaltërve do të përurohet mbrëmjen e 17 shtatorit në “San Siro”, kur Interi të luajë ndeshjen e parë në fazën e grupeve të Champions Leagues, përballë çekëve të Spartës së Pragës.
