Shqipëria U-16 e mbyll me fitore “International U-16 Tournament” që po zhvillohet në Turqi. Kuqezinjtë e vegjël, që drejtohen nga Elvin Beqiri, fituan pastër me rezultatin 3-0 ndaj Lituanisë.
16-vjeçarët kuqezi zbritën në fushën e lojës me këtë formacion: Simoni; Zhuzhi; Pano; Zabeli; Kurbasha; Neziri; Kote; Stafa; Halili; Bajraktari; Çereni. Pjesa e parë u dominua e gjitha nga kuqezinjtë, finalizuan në minutën e 26-të me Bajraktarin.
Me rezultatin 1-0 u mbyll fraksioni i parë i ndeshjes. Pjesa e dytë filloi ashtu si u mbyll dhe e para, me skuadrën e Beqirit që sulmoi gjatë gjithë kohës portën e lituanezëve, duke gjetur menjëherë golin e dytë me anë të Adrian Nezirit, në minutën e 45-të.
Në fundin e ndeshjes, kapiteni Çereni shënoi golin e tretë, në minutën e 77-të, për rezultatin final 3-0.
Ky është bilanci i Shqipërisë U-16, në këtë turne:
15 prill, Shqipëri-Bjellorusi 1-0
17 prill, Turqi-Shqipëri 1-0
19 prill, Lituani-Shqipëri 0-3
