Trajner i Inter, Simone Inzaghi është shprehur shumë i kënaqur me performancën e ekipit të tij, në triumfin 5-1 në “Derby della Madonnina” ndaj Milanit.
Në prononcimin për mediet pas këtij takimi, italiani theksoi se ekipi i tij ka bërë një super nisje të sezonit, ndërsa shtoi se ky është vetëm fillimi.
Lexoni edhe:
- Telashe pa fund për Juventusin, Ronaldo nis çështjen ligjore kundër ish-klubit
- Gol dhe asist tek Antwerpi, sulmuesi i Kombëtares në një moment të artë (video)
- VIDEO/ Më i miri i ndeshjes, Tuci i jep fitoren Lokomotivës së Zagrebit
- Gjilani shijon fitoren e parë dhe ndal Malishevën, Llapi përfiton dhe merr kreun
“Kemi pasur një fillim shumë të mirë të sezonit, një derbi i madh, kemi qëndruar gjithmonë të përqendruar, shënuam gola në momentet e duhura, lojtarët e ardhur nga stoli ishin shumë të mirë. Reaguam mirë në momentin që rezultati ishte 2-1. Urime këtyre djemve që na dhanë një kënaqësi të madhe, por duhet theksuar se ky është vetëm fillimi.”-tha Inzaghi.
Më tej trajneri i Inter shtoi se ekipi ka një kalendar shumë të ngjeshur para, ndërsa theksoi se lojtarët amerikano-jugor u bashkuan vetëm një ditë para derbit me skuadrën, por sipas tij e treguan se dinë të luajnë në të tilla takime.
“E dimë se sa shumë interesohet e gjithë familja e Interit për këtë derbi, tani kemi një kalendar të ngjeshur dhe duhet të përgatitemi për këtë. Isha pak i shqetësuar sepse në tre ndeshjet e para kishim një javë të tërë për t’u përgatitur, ndërsa para derbit ishin kombëtaret, me lojtarët amerikano-jugor që u kthyen vetëm në 24 orët e fundit, por më treguan se dinë t’i luajnë këto ndeshje.”-deklaroi tekniku i “zikaltërve”.
