IPKO Superliga e Kosovës ngre sot siparin për edicionin futbollistik 2019-2020. Në ekranin e Supersport do të transmetohen dy sa të bukura aq edhe interesante për t’u ndjekur. Dy rivalët nga rivalët për titull të edicionit të kaluar, kampionët në fuqi të Feronikelit dhe Prishtina e Mirel Josës nisin sot betejën e luftuar për të zënë vendin e parë në fund të kampionatit. Skuadra nga Drenasi pret në shtëpi Drenicën. Fillimi i sezonit gjithmonë ka surpriza dhe asnjëherë nuk i dihet sesi mund të marin gjërat në këtë ndeshje për Feronikelin edhe pse bardhëjeshilët janë favoritë për të marrë tre pikët. Një ndeshje akoma më të vështirë ka Prishtina që luan në transfertë derbin ndaj Flamurtarit. Pavarsisht përforcimeve në merkato ku sëfundmi pjesë e skuadrës kryeqytetase janë bërë edhe Leonit Abazi e Labinot Ibrahimi, për Prishtinën misioni titull do të jetë shumë i vështirë edhe këtë edicion pasi edhe Drita e Gjilani janë forcuar ndjeshëm në merkato, pa harruar Feronikelin e Llapin. Flamurtari-Prishtina dhe Feronikeli-Drenica do të keni mundësi t’i ndiqni live në Supersport sot në orën 17:00, ndërkohë në të njëjtën orë luhet edhe takimi Llapi-Vushtria.
