Brandon Hunter, i cili luajti për Boston Celtics dhe Orlando Magic, ka ndërruar jetë papritur në moshën 42-vjeçare.
Kryetrajneri i basketbollit i Universitetit të Ohajos, Jeff Boals, dha lajmin për vdekjen e Hunter në rrjetet sociale të martën mbrëma, duke shkruar se ishte një “ditë e trishtuar”.
“Brandon Hunter, iku shumë shpejt. Një nga më të mirat që ka veshur ndonjëherë fanellën e skuadrës sonë, #RIP.”
Boals nuk dha informacione më të detajuara për shkakun e vdekjes së ish-lojtarit të NBA-së.
Hunter ka qenë basketbollist i shquar në Shkollën e Lartë të Universitetit Withrow përpara se të bëhej një “Bobcat” me ekipin e basketbollit të meshkujve të Universitetit të Ohajos nga 1999-2003.
Lexoni edhe:
- Triumfi ndaj Rumanisë, Duka: Urime Kombëtares U21 për fitoren që na dhuroi emocione të mëdha!
- FOTO/ Reagon sërish Vojvoda: Turp për Rumaninë, krenaria jonë më e madhe që jemi shqiptarë!
- “Dëmtim i karakterit dhe imazhit profesional”, Bonucci hedh në gjyq Juventusin
- Pas super formës me Kombëtaren, Ramadani nis menjëherë punën me Lecce për transfertën e Monzas
Hunter luajti në Itali midis viteve 2006 dhe 2009 me fanellat e Napolit, Livornos, Biellas dhe Montegranaros, duke regjistruar gjithsej 103 ndeshje në Serinë A.
Në fund të karrierës së tij si lojtar, Hunter kishte ndërmarrë një rrugë të re si lojtar-trajner dhe më pas gjithmonë në botën e basketbollit, por me role të tjera.
