Gara e parë sezonale e Formula 1 që u zhvillua në Bahrein konfirmoi se Red Bull dhe Max Verstappen mbeten favoritë për të fituar sërish Botërorin. Nga ana tjetër, Ferrari tregoi se ka ende punë për të konkurruar skuderinë austriake, edhe pse ish-drejtori i “kokëkuqjes” Stefano Domenicali theksoi se Red Bull do të hasë vështirësi gjatë sezonit. Tashmë, në rolin e drejtorit të Formula 1 Group, Domenicali u shpreh se te Ferrari duhet të tregohen këmbëngulës në momentet më të vështira.
“Ferrari duhet të përmirësohet në pikat e dobta dhe vetëm këmbëngulja dhe besimi të bën që të dalësh nga këto situata. E vërteta është se Red Bull-i është i fortë, por do të ketë limite në zhvillimin e saj përgjatë sezonit për shkak të reduktimit të buxhetit.
Lexo edhe:
- Mirlind Daku/ Nga hapat e parë të karrierës, te mundësia për t’u veshur kuqezi
- Faza e 1/8-tave, Jorgjit i besohet ndeshja e skuadrës italiane në Conference League
- Sylvinho flet për përgatitjet për Poloninë: Do të ketë prurje të reja, dua disa liderë
Dihet se performaca e Red Bull i frikëson pak të tjerët, por nisur nga eksperienca ime them se duhet të tregohemi të duruar. Këtë e tregoi edhe sezoni i kaluar, Ferrari e nisi mirë dhe u duk se do të fitonte, por në fund ndodhi e kundërta.
Historia në Formula 1 na tregon se duhet të jemi të duruar, garat dhe performancat ndryshojnë nga java në javë. E vetmja pikë e vështirë është Verstappen i cili nga ana e tij është një nga pilotët më të vështirë për t’u mundur”, u shpreh Domenicali.
