Ish-drejtuesi i Milanit kritikon Maldinin. Massimiliano Mirabelli ka deklaruar se largimi me parametra zero i futbollistëve si Donnarumma, Kessie e Calhanoglu nuk është aspak një gjë e mirë, pasi klubit i mungojnë disa miliona.
Dy drejtuesit e Milanit, Maldini e Massara kanë përfunduar në shënjestrën e Mirabellit, i cili ka sjellë në vëmendje se gjatë kohës së tij, askush nuk la kuqezinjtë me parametra zero.
Lexo edhe:
- Galatasaray piketon sulmuesin shqiptar që po shkëlqen në Superligën Turke
- Momente gazmore/ Sylvinho s’i kursehet Abrashit, “hakmerret” Cikalleshi (VIDEO)
- Ish-sulmuesi i Interit bën “supergol”, prezanton të dashurën e re (FOTO)
- Ancelotti joshet nga Brazili, Reali gjen pasuesin në shtëpi
“Kam qëndruar te Milani vetëm 18 muaj dhe nuk ishte koha e mjaftueshme për ta riorganizuar siç duhet. Kur erdha, kishim 11 lojtarë në skadencë dhe nuk iku asnjë me parametra zero. Më pas ikën tre emra të rëndësishëm, si Donnarumma, Calhanoglu e Kessie, nga të cilët mund të ishin arkëtuar mbi 100 milionë euro. Tani Milani rrezikon të humbë njësoj edhe Leaon dhe ky nuk është aspak një lajm i mirë”, u shpreh Mirabelli.
