Junior Firpo luajti dy sezone me Barcelonën përpara se të transferohej për 15 milionë euro te Leeds United (2021). Aventurën në Premier League po e shijon në maksimum, sidomos ndeshjet shtëpiake.
Mbrojtësi i majtë me origjinë nga Republika Dominikane, ka bërë një krahasim midis mitikut “Camp Nou” dhe “Elland Road”, “fortesës” së Leeds United.
🎯 "𝗙𝗶𝗿𝗽𝗼 𝗵𝗮𝘀… 𝘀𝗰𝗼𝗿𝗿𝗿𝗿𝗲𝗲𝗲𝗲𝗱𝗱𝗱𝗱𝗱!!!!" pic.twitter.com/QeS2ntYQit
— Leeds United (@LUFC) February 25, 2023
“Stadiumi i Leedsit është shumë më i mirë se Camp Nou. Në Barcelona nuk ka tifozë, ka vetëm turistë. E keni parë Elland Road? Është gjithmonë i mbushur plot.
Lexo edhe:
- Për herë të parë nga tetori, rekordi negativ i Barcelonës ndaj Almerias
- “Ula rrogën për Leaon”, Ibrahimovic: Gabon kush mendon se do të luaj vetëm 5 minuta
- Reja elozhe për Napolin: Është skuadra italiane më e mirë në histori, ecën edhe në Champions
- Fundjava e legjionarëve/ Asnjë gol e asist, Gjasula rikthimi i madh nga kuqezinjtë
Nuk gjen kurrë vende bosh. Në Camp Nou vinin vetëm për të parë Messin. Njerëzit thërrisnin ‘wow’ në çdo lëvizje fantastike që bënte”, deklaroi 26-vjeçari.
Junior Firpo po luan sezonin e dytë me skuadrën angleze. Një dëmtim në gju i pësuar në ditët e para të korrikut, e mbajti atë rreth dy muaj larg fushave. Deri në këtë fazë të sezonit, anësori numëron 12 ndeshje dhe 2 gola me Leedsin.
