Transferim i veçantë pas përfundimit të merkatos së dimrit. Jesé Rodríguez (29 vjeç), pasi i dha fund para kohe aventurës së tij në kampionatin turk me Ankaragücunë, do t’i shtojë një skuadër të re karrierës së tij “të pasur”.
Pasi e zhvilloi karrierën në Spanjë, Francë, Turqi, Angli dhe Portugali, Jesé do të luajë gjatë pjesës së mbetur të sezonit me fanellën Sampdoria, në Itali.
Klubi gjenovez, i parafundit në Serinë A, i ka bërë vend në skuadër ish-sulmuesit të Realit dhe PSG-së, me synimin qëndrimin në elitën e futbollit italian.
Me vetëm 10 gola në 21 ndeshje, Sampdoria ka sulmin më të keq në Serinë A.