Egzon Belica është zyrtarizuar tek skuadra e Prishtinës në Kosovë. Ish-mbrojtësi i Partizanit ka nënshkruar një kontratë njëvjeçare me bardhekaltërit ndërsa rreth kësaj aventure të re, 32-vjeçari është shprehur mjaft i lumtur. Në fjalët e para si lojtar i Prishtinës, Belica thekson se për të është nder dhe privilegj të jetë pjesë e klubit kryeqytetas.
̈ ‘ ̈ – Zgjedhja e Prishtinës ishte e lehtë për shkak të madhështisë dhe traditës që e ka klubi. Çdo gjë u lehtësua deri te kontrata nga dëshira e madhe e dyanshme.
– Synimet në një klub si Prishtina janë çdo herë maksimale. Duhet luftuar për secilin kompeticion në të cilin skuadra merr pjesë.
– Është nder dhe privilegj të jem pjesë e Prishtinës. Ky klub ka traditë dhe tifozëri të madhe. Tifozët janë pjesë e pandarë e ekipit. Premtimet jepen dhe duhet të mbahen. Jo vetëm unë, mirëpo e gjithë skuadra duhet dhënë 100 përqind nga vetja për arritjen e objektivave.
