Manchester United pësoi një humbje turpëruese në Anfield përballë Liverpool teksa u mposht me shifrat 7-0. Të besuarit e trajnerit Erik ten Hag ishin në një ditë të keqe ndërsa as ata që konsiderohen si liderët e skuadrës nuk mundën të reagonin dhe të shmangnin poshtërimin.
Pas sfidës, ish-lojtari i Manchester United, Gary Neville ishte shumë kritik në lidhje me performancën e Bruno Fernandes. 48-vjeçari u shpreh se portugezi është nga ata lojtarë që vetëm ankohet në fushë duke ia hedhur fajin shokëve të ekipit.
Lexo edhe:
- Nis “gjuetia” për titullin e tretë, Verstappen dominon në Bahrein. Zhgënjen Leclerc, befason Alonso
- VIDEO/ “Tërmet 7 ballësh” në Anfield, Liverpool turpëron keq Manchester United
- Në stol për 90 minuta, Inzaghi: Asllani duhet të punojë dhe të stërvitet!
- Reali “ngeci” në transfertë, Ancelotti: Kampionatin nuk e kemi humbur, luftojmë deri në fund
“Po e filloj diskutimin duke folur rreth Bruno Fernandes. Jam lodhur me sjelljet e tij në fushë, e shoh gjithmonë që ankohet dhe nis ngre duart lart i pakënaqur me shokët e skuadrës.
Jam lodhur kur shoh që ai nuk kthehet asnjëherë të ndihmojë në mbrojtje, vetëm ankohet. Në një moment kundërshtari e shtyn në gjoks dhe ai mbulon fytyrën për të mashtruar arbitrin. Harron që është kapiteni i skuadrës dhe duhet të sillet si i tillë”, u shpreh Neville.
