Dhimbjes për humbjen e Diego Armando Maradonës, iu bashkua edhe ish presidenti i Napolit në vitet ’80, Corrado Ferlaino, i cili u shpreh se legjenda argjentinase ka përfaqësuar shpirtin e vërtetë napolitan për shumë vite.
“Ka vetëm dhimbje të madhe për mua dhe të gjithë napolitanët. Maradona nuk ishte thjesht një futbollist, por ka përfaqësuar shpirtin napolitan për vite të tëra”, u shpreh Corrado Ferlaino, ish presidenti i Napolit, kur Maradona vishte fanellën e klubit italian.
Diego Armando Maradona ka veshur fanellën e Napolit për 7 sezone, nga vera e 1984-ës, deri në verën e 1991-shit dhe në 259 ndeshje arriti të shënojë plot 115 gola, duke fituar edhe dy tituj kampionë, një Kupë Italie, një Kupë UEFA dhe një Superkupë Italie.