Claudio Caniggia, ish-sulmuesi i Argjentins së epokës së Maradonës në fillimet e karrierës së tij ka luajtur në Itali, me skuadra të tilla si Verona, Atalanta dhe Roma, gjithsesi kulmin e karrierës e patur në radhët e Boca Junior, në Argjentinë, me 32 gola në 74 takime në kampionat. Për këtë arsye, fjala e tij, kur tema e diskutimit është klubi i famshëm argjentinas, ka mjaft peshë.
Sot 53-vjeç, Caniggia ka sulmuar hapur Daniele De Rossin, ish-mesfushorin dhe kapitenin e Romës, për përvojën e këtij të fundit me fanellën e “xeneizes”.
“De Rossi erdhi për pushime në Argjentinë. Sigurisht që kishte vendosur të tërhiqej pas lamtumirës nga Roma. Qëllimi i tij ishte të luante edhe pak, por nuk ka mundur për problemet e tij fizike. Të luash te Boca nuk është e lehtë. U dëmtua dhe u kthye, por nëse nuk je një lojtar në moshën e duhur, është shumë e vështirë. Nuk mund të luash më vetëm për shkak të emrit që përfaqëson. A pse mendoj që ai është tërhequr praktikisht pasi i dha fund me Romën.”
