Ish trajneri i Holandës, Dick Advocaat është emëruar trajner i Feyenoordit mbrëmjen e sotme, duke marrë kështu vendin e lënë bosh nga Jaap Stam, që dha dorëheqjen menjëherë pasi skuadra humbi thellë 4-0 ndaj Ajaxit.
Lajmi është dhënë nga vetë drejtuesit e Feyenoordit, që në një deklaratë për mediat njoftuan se me 73-vjeçarin kanë nënshkruar një kontratë të vlefshme deri në fund të këtij sezoni dhe vetëm më pas do të vendoset për vazhdimësinë.
Feyenoordi i bëri një nisje mjaft të keqe kampionatit me Jaap Stam, duke grumbulluar vetëm 14 pikë, 15 më pak se Ajaxi kryesues, ndërsa aktualisht skuadra renditet në vendin e 12 me plot 9 pikë më pak se zona Champions.
